තිලොවග තිලකවූ සම්බුදු සමිදු
අදින් වසර 2539 (ක්රි.පූ. 523) පමණ පෙර වර්තමාන නේපාලයට අයත් එදා දඹදිව ලූම්බිණි සල් උයනේදී මෙලොව එලිය දුටු සිද්ධාර්ථ බෝසතාණන් මිනිස් ලොව මතු නොව දිව්ය, බ්රහ්ම, ලෝකාදියෙන් සුසැදි අනන්ත සක්වල එතෙක් මෙතෙක් පහළ වුණු ශ්රේෂ්ඨතම උත්තමයන් බව බොදුනුවන් වූ අප සැමගේ ඒකායන පිළිගැනීමයි. ලෝක සත්වයාට සංසාර දුකින් මිදීමට මග පෙන්වූ කිසිදු දිනක ලෙයින් තෙත් නොවූ කිසිදු මිනිස් නෙතකට කඳුළක් නොනැගූ උත්තරීතර ධර්මය ලොවට දායාද කළ උතුමන් බුදුරජාණන් වහන්සේ වීම එයට හේතුවයි.