දුක සකස් වෙන පිළිවෙල නම්
බුදුරජාණන් වහන්සේ නමකගේ පහලවීම අතිශය දුර්ලභ කාරණාවක් මෙන්ම, ඒ උතුම් ශ්රී සද්ධර්මය පවතින කාලයක මිනිසෙකු වී ඉපදීමත් අතිශය දුර්ලභ කාරණයක් වන්නේය. ඒ උතුම් අතිශය දුර්ලභ මොහොත ලද මේ අවස්ථාවේදී මනුෂ්යයන් හැටියට අප විසින් සිදු කරගත යුතු මූලික කාරණාවක් වනුයේ පිරිසිදු ශී්ර සද්ධර්මය අවබෝධ කරගැනීමට කටයුතු කිරීමයි. එසේ නො කළහොත් සංසාරයේ අතරමන්වනුයේ අපමය.
ඒ අසරණ භාවයෙන් මිදීම පිණිස, සත් පුරුෂයන්ගේ ඇසුර ලබමින් සීල, සමාධි, ප්රඥා වැඩීම පිණිස නුවණින්,සිහියෙන්, වීර්යයෙන් යුතු ජීවිතයක් ගත කළ යුතුය.එබඳු උතුම් ජීවිතයක් ගත කිරීම පිණිස බුදුරජාණන් වහන්සේ දේශනා කළ උතුම් ශ්රී සද්ධර්මය පිළිබඳවත්, ඒ සද්ධර්මය නුවණින් විමසා ගත් භාවනාමය නුවණකුත් අප සතු විය යුතුය.
